Noocyada Memory-da (RAM)

Noocyada Memory-da (RAM)

RAM-ku wuxuu guud ahaan u kala baxaa laba nooc oo asaasi ah oo kala ah:

1. DRAM (Dinamic RAM)
2. SRAM (Static RAM)

Labadaas nooc ayaan halkaan mid mid ugu soo qaadnaynaa.

1. DRAM

Noocani waa nooca ugu badan ee ay isticmaalaan kumbiyuutyarrada uu noocoodu yahay PC (Personal Computers). Noocani xawaare ahaan aad ayuu uga gaabiyaa nooca SRAM, laakiin qiimihiisa ayaa aad uga jaban, cabbir ahaanna wuu ka yar yahay. Taas ayaana keentay in shirkadaha kumbiyuutarrada sameeyaa ay noocaan u doortaan kumbiyuutarradooda. DRAM wuxuu u sii kala baxaa dhawr nooc oo ay ka mid yihiin:

• FPM DRAM

Noocani wuxuu farsamadii DRAM ku kordhiyay farsamo loo yaqaan Fast Page Mode (FPM). Farsamadaasi waxay fududaysay raadinta iyo helitaanka akhbaarta Memory-da ku kaydsan. Kumbiyuutarrada uu noocoodu ahaa 486 wixii ka dambeeyay waxay isticmaalaan Memory noocaan ah wixii ka horreeyayna waxay isticmaali jireen DRAM caadi ah oo aan lahayn farsamada FPM-ka. Si aad u isticmaasho Memory-da noocaan ah waxaa khasab ah in kaararka Memory-da (SIMM/DIMM) noocaan ah ay laba laba ahaandaan. Taas oo uu micneheedu yahay in haddaad rabto inaad kumbiyuutarka ku kordhiso Memory ay baaxaddeedu tahay 64 MB waxaad ku khasban tahay inaad soo gadato ugu yaraan laba kaar oo min 32 MB ah (ama afar kaar oo min 16 MB ah ama ka sii badan). Haddaad soo gadato hal kaar oo 64 MB ah, ma isticmaali kartid kaarkaas ilaa aad u hesho kaar labaad oo ah 64 MB. Taasina waxay keenaysaa inay marka dambe kugu yaraadaan boosaska loogu tala galay Memory-da ee ka bannaan Motherboard-ka, maadaama uu noocani mar kasta Motherboard-ka ka qaadanayo ugu yaraan laba boos.

• EDO RAM

Billawgii sannadkii 1995-kii ayaa waxa soo baxay noocaan oo luugu tala kumbiyuutarrada uu noocoodu yahay Pentium. EDO (Extended Data Out) waa FPM DRAM oo wax laga beddelay. EDO wuxuu xawaaraha Memory-da kor u qaaday 5% si dhakhso ah ayuuna suuqa ugu faafay. EDO wuxuu si gaar ah ugu fiican yahay kumbiyuutarrada uu xawaaraha Motherboard-koodu yahay 66Mhz.

• SDRAM

SDRAM oo u taagan Synchronous DRAM aad ayuu uga dheereeya EDO iyo noocyadii ka sii horreeyayba. Wixii ka dambeeyay 1997-kii wuxuu noocani ahaa nooca ugu caansan uguna badan noocyada Memory-da ee loo isticmaalo kumbiyuutarrada uu noocoodu yahay PC-ga. SDRAM wuxuu si gaar ah ugu sii fiican yahay Pentium II iyo wixii ka dambeeya.

2. SRAM

Nooca labaad ee noocayada asaasiga ah ee Memory-da loo qaybiyo waxa la yiraahdaa SRAM (Static RAM). SRAM aad ayuu uga dheereeyaa dhammaan noocyada DRAM. Waxaa la helaa SRAM uu xawaarahoodu gaarayo 2ns iyo ka sii hoose, taasoo xawaare ahaan la socon karta processor uu xawaarihiisu yahay 500 Mhz iyo ka badan. Laakiin SRAM waxay leedahay laba cilladood oo kala ah: Cabbir ahaan way ka weyn tahay DRAM taasna waxay keenaysaa inay boos weyn kumbiyuutarka ka qaadato. Tan labaadna aad ayay qaali u tahay kumbiyuutarkii iyada loo doortaana sidoo kale ayuu qaali u noqonayaa. Labadaas arrimood ayaa waxay keeneen in shirkadaha kumbiyuutarrada sameeyaa ay ka door bidaan DRAM gaabisa. Maadaama ay SRAM aad qaali u tahay waxaa loo isticmaala oo kaliya Cache Memory ahaan.

Wargelin :- Casharadani Waxa Ay Khaas U Yihiin Bahda Hacks And Security Amar La-aana si Personal Benefit ah looma Isticmaali Karo 

Share on Google + Facebook  Twitter

Browse More Articles

Tweet

Written by mahbuub

a computer geek and a junior compo programmer by interest and lecturer in accounting by profession. He got his MSIT, BBIT, and MBA in Community Development at Golis University - Burao and Fair Land University - Hargesia. He has an excellence work experience with Excel Accounting/Financial Accounting, AIS/MIS/FIS/Computerized Accounting. He also masters in Excel Programming, Access Programming not to mention that he is an IT Professional in Microsoft Studio and Visual Basic Programming , Web Development in "PHP, Joomla, Wold Press. He also trained in Networking, Hardware, IT Security all in all Maxbuub has a limit let potentials and skills and he chooses to share all of that an more in this blog. Facebook: https://www.facebook.com/MrBura0